કેહેજો કુબજાને, કાનાની કરજે જો ચોંપે ચાકરી ૪/૪

કેહેજો કુબજાને, કાનાની કરજે જો ચોંપે ચાકરી ;

નાનો જાણી, આંખ ચડાવી બેની !મ બોલે આકરી. ટેક.

જે જોઇએ તે લેજે આણે, એને પ્રાણ થકી પ્યારો જાણે ;

વળી મનગમતી મોજું માણે. કે૦ ૧

જે બોલે તે રેહેજે સાંખે, એને કાજે ફૂલતણી આંખે ;

નીત જમતા ઉભી વા નાખે. કે૦ ર

એને પરભાતે જોઇએ પોળી, બહુ ઝાઝા ઘૃતમાંહી બોળી ;

ગોરસ પાજે સાકર ઘોળી. કે૦ ૩

પૂરણ સુખ સેજે પામીને, નીત ચરણે માથું નામીને ;
સેવે બ્રહ્માનંદના સ્વામીને. કે૦ ૪ 

મૂળ પદ

કેહેજો કાનાને

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી