ધન્ય ધન્ય ગોકુલની નારી, કે હેતે વહાલો વશ કીધા રે ૪/૪

ધન્ય ધન્ય ગોકુલની નારી, કે હેતે વહાલો વશ કીધા રે ;

કે ગુણિયલ સુંદર ગિરધારી, કે તેડી ઉર ઉપર લીધા રે. ૧

કે લજ્યા લોકતણી લોપીરે, કે રસિયાને રંગે રાતી રે ;

કે ગિરધરને સંગે ગોપી રે, કે પ્રેમરસ ને પાતી રે. ર

કે ધન્ય ધન્ય ગોકુલની ગાયું, કે ચુંપે છોગાળે ચારી રે ;

કે પ્રેમે દૂધ ઘણું પાયું, કે પૂરણ કીધા મોરારી રે. ૩

કે ધન્ય ધન્ય ગોકુળ, ગોવાળા, કે સંગે રસિયાને રમતા રે ;

કે કરી કરી ચિત્ત ગમતા ચાળા, કે ગિરધરને સુધા ગમતા રે. ૪

કે ધન્ય ધન્ય વહાલાની વેણું, કે અધરરસ પીધો એકાંતે રે ;

કે લટકાળા પાસે લેહેણું ખરું, કે સુખ ભોગવીયું ખાંતે રે. પ

કે ધન્ય ધન્ય ગોકુલના વાસી, કે સભાગી નરનારી સોતાં રે ;

કે બ્રહ્માનંદ થયા તે અવિનાશી, કે પરમ પદને સેજે પોતાં રે. ૬

મૂળ પદ

આવો આવોને સુંદર શ્યામ

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી