અંગમાં દેખાય છે રે, વહાલા ! પ્રકટ તમારે ચેન ૩/૧૨

 અંગમાં દેખાય છે રે, વહાલા ! પ્રકટ તમારે ચેન ;      

ચાલતે કાના, લડથડો રે, આંખડલીમાં નિદ્રાનું ઘેન.   અં૦૧

જાણે તેને આગળે રે, ઝાઝાં નવ કરીયેં કાંઇ ફેલ ;      

વાંસળી વીસારીને રે, વેલણ કયાંથી લાવ્યા છેલ.        અં૦ર

ખોટા સમ ખાતાં રે, વહાલા લાજો નહીં લગાર ;         

પડી મેલી પાંભડી રે, પટોળી લાવ્યા નંદકુમાર.           અં૦૩

મનમાં માવજી રે, જાણી સરવે તમારી વાત ; 

બોલોને હવે પાધરું રે, રમી આવ્યા કેને સંગ રાત.       અં૦૪

થયું તેમ ઠાવકું રે, કહોને કૂડાબોલા કાન ;    

વહાલા બ્રહ્માનંદના રે, તમને લાગ્યું તેનું ધ્યાન.          અં૦પ

 

મૂળ પદ

સૌ મળી સુંદરી રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી