જેને અર્થે જીવીત ખોઇ જાય છે રે, જીવ જોને તપાસી તારૂં કુણ છે રે ૧/૪

જેને અર્થે જીવીત ખોઇ જાય છે રે..... ટેક

જીવ જોને તપાસી તારૂં કુણ છે રે, હેતુ હરિ વિના જગમાંઇ,

જેનું પોષણ કરે છે પ્રભુ વિસરીરે, દગા ઘાતો ઘણા ઉર લાઇ. ૧

ભાઇ ભગીની ભાણેજ દારા દિકરા રે, માત માસી મામોને મિત્ર;

તે સર્વે રહ્યાં માયા તણાં રે, પુણ્ય હરશે તારૂં કરી પ્રીત. ર

કુળ કુટુંબ માનીને માયરૂ રે, સદા કરે છે જેનું સનમાન;

અંતકાળે આવી એજ લુંટશે રે, દેશે ફુટી દોણી તુંને દાન. ૩

ગજ ઘોડા મેના વેલ મેડીયો રે, મેલી જાવું ધરા ધન ધામ;

ભૂમાનંદ કહે ભર્યા ભંડારમાં રે, સંગે આવે ન એક બદામ. ૪ 

મૂળ પદ

જેને અર્થે જીવીત ખોઇ

રચયિતા

ભૂમાનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	ભજનપ્રકાશ સ્વામી		શ્રી સ્વામિનારાયણ સંસ્કાર ધામ ગુરુકુલ,હળવદ રોડ,જી.સુરેન્દ્રનગર, મુ.ધ્રાંગધ્રા.ફોન.+૯૧ ૨૭૫૪ ૨૯૩૫૩૫		પરંપરાગત (સ્વરકાર)	કિર્તન સાગર ભાગ-૧	Studio	Audio	0 0