અતિ ઉત્તમ આસો માસ દિવસ દિવાળી ૨/૪

 અતિ ઉત્તમ આસો માસ, દિવસ દિવાળી રે;
	મહાલ્યા મંદિરમાં મહારાજ, ઢોલિયો ઢાળી રે...ટેક.
સુંદર મેં શણગારી રાખ્યું, મોતીએ પૂર્યા ચોક રે;
	અલબેલે આવીને કર્યું, ઘર મારું ગોલોક...દિવસ૦ ૧
મંદિરમાં મલિયાગર લીપ્યાં, ટાંગ્યા સુગંધી હાર રે;
	ઉલેચ અત્તર મધમધતા, તરિયા તોરણ દ્વાર...દિવસ૦ ૨
મણિદીપ મંદિરમાં મેલ્યા, માંડવિયું શણગારી રે;
	મેરાયા મોહનના સીંચો, હરખ ભર્યા વ્રજનારી...દિવસ૦ ૩
નવાં વસન આભૂષણ પહેરો, રસિયો રાજી થાય રે;
	ભૂમાનંદનો વાલો રીઝે, એ જ કરો ઉપાય...દિવસ૦ ૪ 

 

મૂળ પદ

સુખદાયક શ્રીમહારાજ

મળતા રાગ

જુઓ જુઓને હાં હાં રે સાહેલીયો આજ રસિયો રાસ રમે.

રચયિતા

ભૂમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી