આજ દિવાળી રે પ્રગટ પ્રભુ મળ્યા રે, આવ્યો મારે મનુષ્ય દેહનો લાવ ૩/૪

 આજ દિવાળી રે, પ્રગટ પ્રભુ મળ્યા રે,

આવ્યો મારે મનુષ્ય દેહનો લાવ,

જીવનને જોવા રે, એ છે ફળ આંખનું રે;

અહોનીશ અંતર લાવી ઉછાવ.                    આજ. ૧

જરકસી જામો રે, સોનેરી સુંથણી રે,

કમરે કસુંબલ રેંટો લાલ,

સુંદર સોનેરી રે, શિરપર શોભતી રે,

પાઘના પેચ ઝુકયા આવી ભાલ.                 આજ. ર

નંગ જડયા બાજુ રે, પોંચી કડાં સાંકળાં રે,

કરમાઇ ગળે ગુલાબના હાર,

ગજરા તોરા કાને રે, ગુચ્છ ગુલાબના રે,

જેમાં રહ્યાં ભ્રમર કરી ગુંજાર.                       આજ. ૩

મંદ મંદ મુખે રે, હસતા મોહનજી રે,

આંખે કરી અમૃતનો વરસાત,

ભૂમાનંદ કહે છે રે, ભેટતા ભરી ભુજમાં રે,

સુખદાઇ શ્યામ સુંદર સાક્ષાત.                     આજ. ૪

 

 

મૂળ પદ

એજ દિવાળી રે

મળતા રાગ

સહજાનંદ સ્વામી રે ન પ્રગટત આ સમે રે.

રચયિતા

ભૂમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી