આવો ઓરા વાલમ જાઉં વારી અધરામૃત પાઓને, હું છું દાસી તમારી ૩/૪

 

આવો ઓરા વાલમ જાઉં વારી, વાલમ જાઉંવારી;

અધરામૃત પાઓને, હું છું દાસી તમારી. આવો. ટેક

જીવન જોઉં વાટડી હું તો, ઉભી ઘર બારી;

સેજ મેં સુંદર ફૂલડે, તમ અર્થે સમારી. ૧

જામો જરીનો પહેરીને, પાઘ સોનેરી ધારી;

તેમાં તોરા મેલીને ગળે, હાર હજારી. ર

ખોર કરૂં કેસરની માંહિ, ચંદન ઉતારી;

અત્તર ચોળું અંગમાં છેલા, સુગંધી ભારી. ૩

દુરિજન છોને દાઝતાં, ઘોળ્યાં રહેશે સહુ હારી;

ભૂમાનંદ કહે નહિ કરૂં એની, સોબત નઠારી. ૪ 

મૂળ પદ

આવો હરિ આંગણિયે મારે

રચયિતા

ભૂમાનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ				રેકોર્ડીંગ ગુણવત્તા-અતિ સારી			Studio	Audio	0 0