આ સંસારમાં આવીને તેં, શું કરી કમાઇરે..૪/૪

 આ સંસારમાં આવીને તેં, શું કરી કમાઇરે;

પ્રભુપુજાનો અવસર નાવ્યો, જાઇશ ગાંઠ ગુમાઇરે.       ૧

સગાં તારાં સ્વારથીયાં છે, સુત દારા નિજ ભાઇરે;

હેત દેખાડીને હરશે તારૂં, ધન દોલતદુઃખદાઇરે.           ર

મારૂં મારૂં કહીને મેલ્યું, ધન તેં ધુતી ધાઇરે;

એળે અવતાર ખોઇને ચાલ્યો, તૃષ્ણાપુરે તણાઇરે.        ૩

રીલે કારજ કહું છું તારૂં, જીવનના જશ ગાઇરે;

ભૂમાનંદ કહે સત્સંગ જાન્હવી, વહેતીમાં લે નાઇરે.       ૪

 

મૂળ પદ

જાગીને જપ જાપ પ્રભુનો

રચયિતા

ભૂમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી