અદભૂત દેખી અસવારીજી મોહ પાંમ્યાં નરનારીજી..૫/૬

અદભૂત દેખી અસવારીજી, મોહ પાંમ્યાં નરનારીજી

મેલી લોકની લાજજી, પ્રભુ પધાર્યા તે કાજજી.         ૧

પ્રભુ પધાર્યા તે કારણે, કર્યા ઉછવ શણગાર.

વાલો વધાવી ગયા વારણે, સર્વે નરને નાર.            ર

મંદિર ઝરૂખા માળીયાં, શણગારી માંણેકચોક.

મેલી ઉઘાંડાં જાળીયાં, ઉભા પુરના લોક.                ૩

દેવ ત્રિયા દ્વિજ ભામની, ગ્રહી કર મોતીના થાળ.

ગોખે ચઢી ગજ ગામીની, વધાવા દિનદયાળ.          ૪

છત્રપતિ સન્મુખ આવીયા, ભરત-ખંડનો ભૂપ.

હવેલીમાં પધરાવીયા, આપ્યું સિંહાસન અનુપ.        પ

જામો જરીનો પાઘમાં જરી, નવ ઘરૂ નવલ દુશાલ.

બાંધ્યો શિરપેચ નિરખ્યા હરિ, હાર મણીના લાલ.    ૬

પ્રેમ ઘણે પૂજા કરી, માગ્યું વચન ગ્રહી હાથ.

મંદિર મારે આવો ફરી, ભૂમાતે નંદના નાથ.            ૭

મૂળ પદ

વડતાલથી વાલો આવ્‍યાજી

રચયિતા

ભૂમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી