ખેલે હોરી રે ખેલે હોરી..૫/૮

ખેલે હોરી રે, ખેલે હોરી.  ટેક

નિજસખાને સંગ, લઇ પિચકારી હાથમાં.  ખેલે

વાલો તાકી તાકી તન ઉપર્યે...  ખેલે

સહુને નાખેરે, સહુ નાખે,

રસિયોજી રંગ; ફરી ફરી સર્વ સાથમાં.  ૧

વાલો અબીલ ગુલાલ ઉડાવતા...  ખેલે

એવા દેખીરે; એવા દેખી,

વાધ્યો અંગમાં ઉમંગ; ચિત્ત ચોરાણું ગાથમાં.  ર

હું તો નટવરની નજરે ચડી...  ખેલે

વાલે વાળ્યારે, વાલે વાળ્યા,

ઘણા દિવસના ખંગ; લઇને ભીડી મુને બાથમાં.  ૩

મેં તો લાજ મુકી સર્વ લોકનીરે...  ખેલે

મન પ્રોયુંરે, મન પ્રોયું,

કરી અર્પણ અંગ, ભૂમાનંદના નાથમાં.  ૪

 

મૂળ પદ

રંગ ભરીયારે

રચયિતા

ભૂમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી