બાલુડા શ્રી ઘનશ્યામ, મને રે તારો નેડો લાગ્યો છે, ૧/૧

બાલુડા શ્રી ઘનશ્યામ, મને રે તારો નેડો લાગ્યો છે,
રટું હરિ નિત્ય તારું નામ, મને રે તારો નેડો લાગ્યો છે.. ટેક.
હૈયે ધારીને વ્હાલા હેત કરું છું,
રાત-દિવસ તારું ધ્યાન ધરુ છું,
અતિશે વ્હાલા સુખધામ... મને રે૦ ૧
હૈયાને હેતે તુંને ચૂંબન કરું છું,
રૂડા બનાવી નિત્ય થાળ ધરું છું,
તારા માટે કરું બધુ કામ... મને રે૦ ૨
સ્નેહે કરીને તારી સેવા કરું છું,
સેવીને શ્રીજી અતિ અંતર ઠરુ છું,
હૈયું મારું બન્યું તારું ધામ... મને રે૦ ૩
ગદ્ગદ્ કંઠે ગુણ ગાયા કરુ છું,
મારું સર્વસ્વ તુંને ભેટ ધરુ છું,
જ્ઞાન છું તારો ઘનશ્યામ... મને રે૦ ૪

મૂળ પદ

બાલુડા શ્રી ઘનશ્યામ

મળતા રાગ

દાદાને દરબાર જાશું

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	જ્ઞાનજીવનદાસજી સ્વામી-કુંડળ (ગાયક)		સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮		જ્ઞાનજીવનદાસજી સ્વામી-કુંડળ (સ્વરકાર)	કીર્તન કુંભ ભાગ-૪	Studio	Audio	1 0