જશોદા લોચન કીધાં રે લાલ..૬/૮

જશોદા લોચન કીધાં રે લાલ, કલાવંતી ઉપરે રે લોલ ;રીસે રોમાંચિત થયા રે ગાત્ર, અધર મુખ ફરફરે રે લોલ.  ૧

એલી તારી છોડી ચાળા રે દાર, છાશ પીને ઉછરી રે લોલ ;કાળો તોયે કાનો રાજકુમાર, ગોરી તોયે ગુજરી રે લોલ.  ૨

એવી કોણ ત્રણ રે ભુવનમાં નાર, જે એને નહીં વરે રે લોલ ;વારું રાધા જેવી રે લાખ, કાનાની ઉપરે રે લોલ.         ૩

કલાવંતી ત્રાટે થાય નહિ રે ચિત્ર, ચિત્ર થાય ભીંતમાં રે લોલ.તમે શું જાણો આડાં રે લોક, રાજાઓની રીતમાં રે લોલ.  ૪

તારી કુંવરી જેવી રે ક્રોડ, એને વાંસે ફરે રે લોલ ;રસિયો બ્રહ્મ મુનિનો રે નાથ, મનમાં નવ ઘરે રે લોલ.    ૫

મૂળ પદ

વ્રજમાં એક સમે રે વ્રજરાજ

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી