એક સમયે દ્વારીકાં નારદ મુનિ આવ્યા..૧/૮

 

એક સમયે દ્વારીકાં, નારદ મુનિ આવ્યા ;

પારિજાતિક વૃક્ષનાં, ફૂલડાં લાવ્યા. ૧

તે આપ્યાં શ્રીકૃષ્ણને, અતિ પ્રેમ કરીને ;

નિરખ્યા દીનાનાથને, રહ્યાં છે નેણ ઠરીને. ૨

વહાલેજી ફૂલડાં વેંચીયાં, કરી પૂરણ પ્રીતિ ;

જ્યાં ત્યાં ઝગડો નાંખવો, નારદની રીતિ. ૩

રુકમણીને એક આપીયું, જાંબુવતી દીનો ;

ભાગ રાખ્યો હરિ પાઘમાં, સત્ઉભામાજીનો. ૪

સત્ઉભામાને સૂચવ્યું, નારદ મુનિ જાઇને ;

બ્રહ્માનંદ કહે વાતડી, કીધી સમ ખાઇને. ૫

મૂળ પદ

એક સમયે દ્વારીકાં

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી