એમ કહીને વહાલો રે કે પાછા ઘરમાં જ ગયા.૨/૮

એમ કહીને વહાલો રે કે પાછા ઘરમાં જ ગયા ;   

ચોરી કરવાને રે કે હરિ હુંશીઆર થયા.     ૧

કોઠો ઉપાડી રે કે સઘળે નિહાળ્યું ;            

ત્યાં તો ગોરસડું રે કે કયાંઇ ન ભાળ્યું.      ૨

ખૂણા સર્વે જોયા રે કે વહાલે ઘરમાં ફરી ;              

ત્યાં પણ નવ દીઠું રે ત્યારે ઊંચી નજર કરી.     ૩

સીંકામાં દીઠું રે કે મહીનું ઠામડલું ;           

તે લેવા કારણ રે કે માંડયું કામડલું.           ૪

પોતા નૈ સીંકે રે કે ફોડી હાંડીને ;               

પીવા હરિ લાગ્યા રે કે મુખડું માંડીને.        ૫

ગોપીના ડરથી રે કે છાતી થડકે છે ;        

બ્રહ્માનંદનો વહાલો રે કે જોઇ જોઇ ભડકે છે.     ૬

 

મૂળ પદ

ઘરમાંજઇને રે કે વાલમ વિચાર્યા

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી