એક કહે મારે ઘેર પેઠો રાતે રે ..૩/૮

 

એક કહે મારે ઘેર પેઠો રાતે રે ;

ચોર્યો સાડલો તે નવલી ભાતે રે. ૧

અંધારામાં બીજું હાથ કાંઇ નાવ્યું રે ;

દળવાનું ધાન ઉભે ઉભે ચાવ્યું રે. ૨

દૂધ-દહીં કાજ કાઢી બહુ હડીયું રે;

મેં ઠાવકું સંતાડયું નવ જડીયું રે. ૩

ઝાઝી મહેનત કરીને માથું ઝીંકે રે ;

સૂંધું ઊંચું તે ન પોંતો હાથ સીંકે રે. ૪

એટલાકમાં હું ઝબકીને જાગી રે ;

પછે વેલણું લઇને ગયો ભાગી રે. ૫

એવાં એવાં છે બાઇ કામ એનાં રે ;

કહે બ્રહ્માનંદ નહીં ઠારે કેનાં રે. ૬

મૂળ પદ

એટલાકમાં તો દસ

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી