તારો પુત્ર જશોદા માડી રે..૭/૮

તારો પુત્ર જશોદા માડી રે, આવી વાત બોલે છે ઉઘાડી. તા0 1

એલી ઉભી રે મહીઆરી રે, પૂછે તું પરણી કેકુંવારી. તા0 ર

દાણ લેવા આડો આવે દોડી રે, કહે છે તું કેની અલી છોડી. તા0 3

અમ સાથે બાંધ્યો એણે દાવો રે, દહાડી કહે છે મુને પરણાવો. તા0 4

અમે પરણ્યા તે કેમ કરી પરણું રે, પરણ્યા કાજે ઘાણે ઘરે ઘરણું. તા0 5

ગળે લીધાં તમારે છૈયે રે, કહોને કેમ કરી ગોકુલ રહીયે. તા0 6

બ્રહ્માનંદ કહે ન જાયે છેડયો રે, આવી ઘરમાં બેસે અણતેડયો. તા0 7

મૂળ પદ

સખી ! જોને આ બાળક નાનો રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી