આડુ કાંઇ નથી બોલતો દેને દાણ તું મારું..૪/૧૨

 આડુ કાંઇ નથી બોલતો, દેને દાણ તું મારું ;

નહી તો વીંખાશે વાટમાં, આ મહી તારું. ૧

ગર્વભરી તું ગુર્જરી, જોબનની માતી ;

દહાડી દહાડી સૌ દેખંતા, દાણ ચોરીને જાતી. ૨

કહેજે તું જઇને કંસને, દાણ લાગે તે દઇને ;

મોવડ આવે માનની, વહેલી દળ લૈને. ૩

કરીએ નહીં ઝાઝી કાનજી, પરનારીની હાંસી ;

બળ તમારું જાણીએ, આવ્યા છો નાસી. ૪

દા'ડી અમે અહીં ચાલીએ, દાણ કે દી ન દીધું ;

ખોશો માં ઠાલા આબરૂ, કહીએ છૈયે સીધું. ૫

લાકડવાયા લાલજી, એલફેલ મ બોલો ;

બ્રહ્માનંદ કહે જોરાવરી, શીદ બાઝંતા ડોલો. ૬

મૂળ પદ

ગોરસ લઇને ગોપિકા

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી