કેમ અલી તું નથી માનતી. દીસે નિર્લજ નારી રે ૧૦/૨૪

કેમ અલી તું નથી માનતી, દીસે નિર્લજ નારી રે ;                ટેક.

હજી તો તારા મનમાં દીસે આમળો ભારી રે.             દી0 ૧

તુને ઝાઝું શું કહીયે, તારે લાજ મળે નહીં લેશ ; 

એકલી જોને વનમાં આવી, શીશ સમારી કેશ.            દી0 ૨

છો કુમારી ને પ્રાક્રમ ભારી, ઓળખી મેં તુને આજ ;      

મહીનું મિષ લઇ નીકળી, તું તો, કરવા બીજું કાજ.             દી0 ૩

રીત મારી તો હું ન મેલું, કર તું કોટિ ઉપાય ;  

દાણઅમારું દીધા પછી, મન માને ત્યાં જાય.             દી0 ૪

હાથ બજાવીને કહું છું તુને, સુધી સાચી વાત ;   

બ્રહ્માનંદ કહે આજ તો તારે રેહેવું પડશે રાત.            દી0 ૫ 

મૂળ પદ

એક સમે હરિ વનમાં

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી