તું શું જાણે વાત તારી જાત નીચી રે..૧૬/૨૪

તું શું જાણે વાત, તારી જાત નીચી રે ; ટેક.

મહી તારું માંકડાંને સર્વે નાખીશ વહેંચી રે. તા0 1

વારે વારે વઢતાં લે માં, નંદજીનું તું નામ ;

ગોકુલમાંથી ગુજરી તારા, બાપનું ટળશે ઠામ. તા0 ર

આંખ ચડાવીને આકરી બોલેછ, ઝાઝું જણવે જોર ;

ઠરડ કાઢીને ઠાવકી હું તુંને, કરીશ પાઘરી દોર. તા0 3

કહે તારો હવે કુણ ધણી, તું આવી ઝલાણી બાંન ;

બીજાની તો વાત રહી, હું તારો તો ભગવાન. તા0 4

લાલચ હોય જો ઘેર જાવાની, તો મનનો મેલ મરોડ;

બ્રહ્માનંદ કહે મુજ આગે, તું રહે ઉભી કર જોડ. તા0 5

મૂળ પદ

એક સમે હરિ વનમાં

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી