એવાં એવાં વેણ સુણી વહાલો હસવા લાગ્યા રે..૨૪/૨૪

એવાં એવાં વેણ સુણી, વહાલો હસવા લાગ્યા રે ;                  ટેક.

હેત કરી હૈડામાં ભીડી, આવી આઘા રે.                                    વ0 1

રીસ ટળી ને રીઝ થઇ, રાણી રાધિકા સાથે રે ;     

બહુ પ્રકારે બોલાવી, હસી ઝાલી હાથે રે.                                  વ0 ર

પાયે લાગી પ્રેમદા, હેતેશું હરિને રે ;          

પ્રેમથી ઝાઝું મહી પાયું, મનુવાર કરીને રે.                              વ0 3

કાન કહ્યું તે રાધિકા કીધું, રાધા કહ્યું તેમ કાન ;              

ગુણવંતે ગોપીને કીધી, રસમાંહી ગુલતાન.                             વ0 4

આનંદ વાધ્યો એક થયાં, પ્રીતમ પ્યારી રે ;           

જોડ રંગીલી ઉપરે, બ્રહ્માનંદ વારી રે.                                     વ0 5 

મૂળ પદ

એક સમે હરિ વનમાં

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી