આવીને અચાનક લાગી મુને આંખ રે..૪/૪

 

આવીને અચાનક લાગી મુને આંખ રે, 

જોને બેની કાનકુંવરની જોર રે ;

સાંજને ટાણે આવતા વાલો શેરીયે રે, 

સામો મળીએલ નંદકિશોર રે. આ0 1

હસીને છેલછબીલે સામું હેરીયુંરે, 

તેનો કોઇ ભેદુ જાણે ભેદ રે ;

ચિત્તડું મોયું લખાણિ જાણું ચિત્રમાં રે, 

થયાં છે કાંઇ છાતલડીમાં છેદ રે. આ0 ર

લાગતાં પહેલી પડી હું તો પ્રેમમાં રે, 

ધ્રૂજે તન ધરણી ટકે નહીં પાવ રે ;

બારલાં માણસ ન જાણે એ વેદના રે, 

થયો છે મારે અંતર અલોકિક ઘાવ રે. આ0 3

હવે મારે ઓસડ ન આવે બીજા અરથમાં રે, 

ભોળાં તમે માણસ મેલો ભીડ રે ;

જ્યારે બ્રહ્માનંદનો વાલો વૈદ્ય ભેટશે રે, 

ત્યારે સરવે તનની જાશે પીડ રે. આ0 4

મૂળ પદ

મુને વાલી લાગે રંગીલા

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી