આવ્યો રૂડો અવસર રે ઓળખવા એક હરિ..૧/૬

 

આવ્યો રૂડો અવસર રે ઓળખવા એક હરિ,

મોંઘો મનુષ્યા તન રે નાવે તારે ફરી ફરી. ટેક

ધન જોબન તન રંગ પતંગી વણસે વારમવાર,

તે સારું શું જતન કરે છે સુપનું આ સંસાર;

મેલી તેને મરવું રે, ડરવું દિલ દોશ કરી. આ ૧

વાસ કરે નિત્ય વૈષ્ણવ જનમાં મનમાં માને વાત,

દાસપણું દેવતાને દુર્લભ, જેથી જનમ મરણ દુઃખ જાત;

ભક્તિ કર્યે ભાવે રે, ધરમની ટેક ધરી. આ ર

સૌમ્ય સુભાવ પરમ સુખ સંપત્તિ એહી પામ્યાનો ઉપાય,

પ્રગટ સ્વરૂપ ઓળખવા શ્રીહરિ દુર્લભ દેહ ગવાય;

એવું તન આવ્યું રે, લેજે વ્રજરાજ વરી. આ ૩

માયાની મોટપ્ય છે મિથ્યા નથી ઘડીનો નિરધાર,

દેવાનંદ કે ભજ્ય દુઃખ ભંજન, કરુણાનિધિ કરતાર,

કઠણ વેળામાં રેશે તારાં કારજ સરી. આ ૪ 

મૂળ પદ

આવ્યો રૂડો અવસર રે

રચયિતા

દેવાનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	ચંદુભાઈ રાઠોડ (ગાયક)		શ્રી સહજાનંદ સંસ્કારધામ મહામંત્રપીઠ ફરેણી જી.રાજકોટ gujarat india phone:-+91-2824-283383/283108/9662517626		ચંદુભાઈ રાઠોડ (સ્વરકાર)	કીર્તનમાળા-૪	Studio	Audio	1 0