અંતે સંતને તેડાવે રે પ્રભુનું ભજન કરવા..૬/૬

 અંતે સંતને તેડાવે રે, પ્રભુનું ભજન કરવા;

કરમાં માળા ઝાલી રે, મુરખ જ્યારે સુતો મરવા.                     અંતે ટેક

નાનપણે ઘર ધંધામાં ધાયો; વૃદ્ધપણે હરિગુણ ગાય;

ઘર લાગ્યું ત્યારે કુવો ખોદાવે, એ અગ્નિ કેમ ઓલવાય;

જીતી બાજી હાર્યો રે, પત્થરને નાવે બેઠા તરવા.                      અંતે ૧

અંત સમે છાપ તિલક બનાવે, ભૂલી ગયો જ્યારે ભાન,

એરણની ચોરી સોયનું દાન, એમ કેમ આવે વિમાન;

સંત જ્ઞાન નાવ્યું રે, બુદ્ધિ તારી ગઇ ફરવા.                              અંતે ર

યુવતી નારીને જેવી પુત્રની આશા, એમ હરિભજે ફળ થાય,

વૃદ્ધ નારીને નહિ પુત્રની આશા, એનો એળે જન્મ વહી જાય;

હરિને બેઠો ઠગવા રે, એંસી વર્ષે વર વરતા.                            અંતે ૩

વીસ વર્ષે વિશ્વંભર મળે, ભક્તિ કરે ભુખ જાય;

હરિ શું છાયા તે બહુ કમાયા, તેને મળીયા પુરુષોત્તમરાય;

દેવાનંદ કહે છે રે, મટ્યા ચોરાશી ફરવા.                                 અંતે ૪

 

મૂળ પદ

આવ્યો રૂડો અવસર રે

રચયિતા

દેવાનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ			શ્રી સ્વામિનારાયણ મંદિર,ભુજ-કચ્છ.સ્વામિનારાયણ રોડ,પોલીસ ચોકી સામે, gujarat,india.ફોન. ૦૨૮૩૨ ૨૫૦૨૩૧/૨૫૦૩૩૧.			મારા સમ કાન કાંકલડી માં માર	Studio	Audio	3 0