અલૌકિક આંખડી તારી આંખડી તારી શામ સંભારી..૨/૪

 અલૌકિક આંખડી તારી, આંખડી તારી શામ સંભારી,

ભૂલી આ જગનું ભાન, હો ભુધર, અ....

આંખડી તારી શામ સંભારી સેજ તરી સંસાર,

એ છબી મારા ઉરમાં ધારી, વાલ્યમ વારમવાર.           હો ભુ ૧

નંદના કુંવર નેણ તમારા, દેખતાં દુઃખ જાય,

ચપલતા જગજીવન જોતાં, ખંજન મીન લજાય.          હો ભુ ર

કેશવ કરુણા રસમાં ભીની, મીટ તમારી માવ,

હેતમાં હેરી હરખ વધે છે, નવલ સનેહી નાવ.              હો ભુ ૩

ભવનાં બંધન છોડવા સારું, દીધલ દરશન દાન,

દેવાનંદ કે' દિલમાં રાખું, કુંવર રંગીલા કાન.               હો ભુ ૪

 

મૂળ પદ

ડોલરીયા વ્રજરા દાણી

રચયિતા

દેવાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી