આજ મારું ભાગ્ય ઉદે થયું કોઇ જનમનું આવી ૨/૪

 આજ મારું ભાગ્ય ઉદે થયું કોઇ જનમનું આવી,

પ્રગટ મળ્યા ઘનશામજી, વરણી વેશ બનાવી.... આ

ઘર તજી મુનિ વનમાં વસે, છબી ધ્યાનમાં લાવે,

નર તનુ ધરી હરિ વિચરે, રૂપ રૂદીયે ન આવે. આ ૧

રવિ વિના રજની ના મીટે, અજ્ઞાન અંધારું,

દિવાકર દરશન કરી, હરખે લોક હજારું. આ ર

બ્રહ્મા ઇન્દ્ર ભૂલી ગયા, જેના ચરિત્રને ભાળી,

તે હરિ અમને હેત કરી, હસી લીયે કર તાલી. આ ૩

અડસઠ તિરથ આવીને, રેછે ચરણે હરિને,

કરુણાનિધિ દેવાનંદ ભેટે અંક ભરીને. આ ૪

મૂળ પદ

આજ હું પામી રે ફલ

રચયિતા

દેવાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી