આજ સખી અલબેલો મારે. મંદિરીયે આવ્યા,.૧/૪

આજ સખી અલબેલો મારે મંદિરીયે આવ્યા,

શામળીયો સુખકારી માવો મન ઘણું ભાવ્યા....આ

રૂપ જોઇ રંગભીના કેરું, મુખે શું ભણીયે,

પાઘલડીમાં પેચ ઝૂક્યા આવી પાંપણીયે. આ ૧

આંખડલી અણિયાળી ભાળી, રંગ ભરી રેખું,

ગોલ કપોલે તીલનું ત્રાજુ દિલડામાં દેખું. આ ર

કુંડલીયા કાનુમાં કાજુ, નવલ નંગ ભર્યા,

શામ બિંદુની શોભા ભાળી, હેતે ચિત્ત હર્યા. આ ૩

મુખ મનોહર મંગલકારી, વાલાની વાણી,

દેવાનંદનો નાથ દેખ્યા મૈડાનો દાણી. આ ૪

મૂળ પદ

આજ સખી અલબેલો મારે

રચયિતા

દેવાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી