અણિયાળી છે અલબેલા, તારી આંખડી રે ૧/૧

 રાગ : સોરઠ પદ-૧

(રૂડા લાગો છો રાજેન્દ્ર મંદિર મારે આવતા રે, એ ઢાળ)

અણિયાળી છે અલબેલા, તારી આંખડી રે                                ટેક.

રસ ભરી રાતી રેખા નિરખી, કીકીને જોઇ હૈડે હરખી,

કોમળ દીશે જાણે, કમળની પાંખડી રે.                                    અણી૦ ૧

કામ કમાન સમાન બણી છે, ભ્રકુટી કામણગારી ઘણી છે,

વદન શશી પર શોભે, કાજુ વાંકડી રે.                                      અણી૦ ૨

હસતા હસતા જ્યારે આવો, લાડકડા મુજ મન લલચાવો,

રસિયાજી જોવાને થઇ છું, રાંકડી રે.                                         અણી૦ ૩

મનગમતા શણગાર ધરીને, મુજ સંગ રમજો મહેર કરીને,

કર જોડીને હાજર રહેશું, ઘડી ઘડી રે.                                       અણી૦ ૪

વાલાજી વાલા બહુ લાગો, ત્રિકમ દાસી ગણી નહિ ત્યાગો,

તમ સારૂં તજી લોકડીયાંની, લાજડી રે.                                    અણી૦ ૫

જીવનજી નિરખું છું જ્યારે, દુઃખ ટળી સુખ વધે છે ત્યારે,

નિતનિત નિરખું એવી ટેવ, મુને પડી રે.                                  અણી૦ ૬

વિશ્વવિહારી લાલજી આવો, બહુ બહુ હેત કરીને બોલાવો,

ચટ ચટ ચાલો ચરણે પહેરી, ચાખડી રે.                                  આણી૦ ૭

મૂળ પદ

અણીઆળી છે અલબેલા, તારી આંખડી રે

રચયિતા

વિહારીલાલજી મહારાજ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી