થઈ જીત મારી જગમાંય, સા’ય શ્રીહરિએ કરી ૨/૪

થઈ જીત મારી જગમાંય, સા’ય શ્રીહરિએ કરી;
	કરી કૃપા તે કહી ન જાય, ફેરો ના રાખ્યો ફરી...૧
ફરી નોયે ત્રાસ ગર્ભવાસ, દાસ જાણી આણી દયા;
	દયાસિંધુ આપ અવિનાશ, દાસ પાસ વાસે રહ્યા...૨
રહ્યા નહિ સંશય કોયે શોક, પ્રગટ પ્રભુને પામી;
	પામી વૃત્તિ આનંદ અલોક, કહો કાંઈ રહી ખામી...૩
ખામી વામી ને થઈ છે ખાટ, સુખ મુખે નાવે કહ્યું;
	કહ્યું નિષ્કુળાનંદ તે માટ, કાજ આજ સારું થયું...૪

 

મૂળ પદ

આજ આવિયો આનંદ અંગ, ઉમંગ ઉરે અતિ

મળતા રાગ

ધોળ

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી