અદ્વૈતનું દ્વૈત થાય નહિ, જાય જો કલ્પાંત કોટ રે, ૩/૪

 અદ્વૈતનું દ્વૈત થાય નહિ, જાય જો કલ્પાંત કોટ રે,

ભૂમિનો ભાર તે ભાગશે, વાગશે આકાશે કેમ ચોટરે,                 ૧

અનેક રૂપે થાય અવની, ભાગીને ભળે છે ભોમ્યરે,

આકાશ એક અખંડ છે, પણ ઘડે રહે છે વ્યોમરે,                       ૨

ભર્યા ભોજન બહુ ભાત્યનાં, જૂજવાં જળનાં જેમરે,

સોમ આવ્યો ને વ્યોમ વસે, આત્મા અળગો એમરે,                 ૩

ભાજન ભાંગે ભાંગે નહિ, પરસે નહિ પાણીને પિંડરે,

જળ દુઃખ મિથ્યા જાયે મટી, સત્ ચિદ્ આનંદ અખંડરે,            ૪

એમ જાણી જન જે રહ્યા થયા છે, સમજીને બહુ સુખીરે,

નિષ્કુળાનંદ એ મરમને, માણે છે, સદ્‌ગુરુ મુખીરે,                     ૫

મૂળ પદ

આજ આંનદ સિંધુ ઉલટ્યા, પ્રગટ્યા તે પૂરણાનંદરે,

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી