કામણગારારે હો કાનજી કામણ કીધલાં કાંઇ, એ ઢાળ.
કેસર ભીનારે કાનજી, રુડા રંગના ચોલ,
આજ આવ્યારે આંગણે, કરવા કિલા કિલોલ. કે. ૧
દીઠા આવતા એહને, થઇ રાજી રળીયાત,
અણ તેડયા હરિ આવિયા, સિયા સરખી આ વાત. કે. ર
આપ્યો આદર મેં એહને, હૈડે હરખ નવ્ય માયે,
હેતનાં આંસુરે આવીયાં, લળી લળી લાગી હું પાયે. કે. ૩
પછે પીયુ પધરાવીયા, મારા મંદિર મોઝાર,
દૂધે પખાલું પાવલા, ભલે આવ્ય મોરાર. કે. ૪
ભોજન કરું હું ભાવતાં, જમો યાદવરાયે,
પ્રેમે બેસી હું પાસળે, વાલા ઢોળીસ વાયે. કે.પ
સેજ સમારું શાંમળા, રુડિ રમવા કાજ,
ભલે આવ્ય હરિ ભાવસું, મનમાન્યા મહારાજ. કે. ૬
તમને નિરખિને નાથજી, નયણા ત્રપત ન થાયે,
ગદગદ કંઠે ગિરા થઇ, મુખે બોલ્યું નવ્યે જ��યે. કે. ૭
મનની જાણીને મુજને, ચાંપિ રુદિયા સાથ,
આપ્યું માનંદ અમને, નિષ્કુળાનંદને નાથ. કે. ૮