શામ સલૂણા સંગે ખેલતાં, અતિ રસ વાધ્યો રસ રીતજીરે૨/૪

શામ સલૂણા સંગે ખેલતાં, અતિ રસ વાધ્યો રસ રીતજીરે,

પ્રાણ પ્યારાં પ્રીતમ સાથે, બાંધી પૂરણ પ્રીતજીરે.૧

અધ ઘડી અળગા નવ રહે, અલબેલો આધારજીરે,

ક્રીડા કરતાં કૃષ્ણજીશું, પળે પળે પ્રેમ અપારજીરે. ર

રાત્ય દિવસ રંગભર રમતાં, જાતાં ઘડી ન જણાયજીરે,

આઠો પોર આનંદ અતિ લેતાં, રેતાં મગન મનમાંયેજીરે. ૩

પાતળિયાશું પ્રીત બંધાણી, નિત્ય નિત્ય નવલિ રીતજીરે,

રંગરસિયાના રંગની, અતિ ચડી ચટકી ચિતજીરે.૪

સુખસાગર વર શામળો, નાગર નટવર નંદલાલજીરે,

હેતે પ્રિતે હરિ સંગ રમતાં, બાંધી વાલાસું વાલજીરે. પ

શામળિયાસું અમે સુખ લેતાં, રેતાં અંગે ઉલાસજીરે,

નિષ્કુળાનંદનો નાથજી આજ, અમથી થયા ઉદાસજીરે. ૬

મૂળ પદ

મંગલ મૂર્તિ મહારાજની, ગોલોક પતિ ગોપીનાથજીરે

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી