ચોરી થંભ રચ્યા તિયાં ચારરે, રહે વૃતમાને નરનારરે, ૧/૧

મારી સાર લેજો અવિનાશીરે એ ઢાળ.

 

ચોરી થંભ રચ્યા તિયાં ચારરે, રહે વૃતમાને નરનારરે,પીયુ પરશી પ્રદક્ષણા કરે રે, તે તો ભવમાં તે ફેરા ન ફરે રે.  ૧

ધન્ય સખી સુંદરવર પરણે રે, તન મન સોંપી હરિ શરણે રે,કામ ક્રોધના જવતલ બાળ્યા રે, સંશે શોક સર્વે તિયાં ટાળ્યા રે.  ર

પીયુ પરણીને પાવન થયાં રે, સુખ મુખે ન જાય તે કયાં રે,હરિ હાથે જમ્યા જે કંસાર રે, તેને સુપને ન ગમે સંસાર રે. ૩

ફેરા ફરીને આજ ઉતર્યાંરે, સર્વે કાજ આમારાં તે સર્યાં રે,પ્રેમ નેમ ને ભકિત ભાવે રે, સખી ચાર મળીને વધાવે રે. ૪

વર વધાવી વારણે જાયે રે, નાથ નિરખતાં તૃપ્ત ન થાયે રે,નાથ નિરખીને લોભ્યા છે નેણ રે, મુખ જોઇ મન થયા મેણ રે, ૫

મુખ જોઇ મેલ્યુ નવ જાયે રે, રેજો અખંડ અંતરમાંયે રે,વાલા વાલપ્ય આવે છે હૈયે રે, જાણું અંગે આલિંગન લૈયે રે.  ૬

પુરું મનોરથ મારા મનનારે, ખગ વાળું હું ખોયેલા દનનારે,સખી પૂરણ પુન્યે પામીરે, વર નિષ્કુળાનંદનો સ્વામી રે.  ૭ 

મૂળ પદ

ચોરી થંભ રચ્યા તિયાં ચારરે

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી