જેના પુન્ય હશે તે એ વર પામશે રે ૧/૧

નરનારાયણ સ્વામીના દાસ જે રે એ ઢાળ.

 

જેના પુન્ય હશે તે એ વર પામશે રે,

તે તો વામશે તનડાના તાપ રે,  અખંડ વર એક છે રે.

મન વાંછિત મહા સુખ માણશે રે.

વળી જાણશે જે પીયુના પ્રતાપ રે. અ. ૧

સખી વરીયે તો અમર એ વરને રે,

જેનું એવાતણ અખંડ અભંગ રે. અ.

સખી સુખ અલ્પ આ સંસારનાં રે,

તેનો સમજુ ન કરે કેદિ સંગ રે. અ. ર

સખી મુરખ મનુષ્યની મંડળી રે,

તે તો સંસારના સુખ સરાયે રે. અ.

સખી વિવેકી રહે છે તેથી વેગળા રે,

તેનો સપનામાં સંગ ન ચાયે રે. અ. ૩

સખી સનકાદિકે શુકે શું કર્યું રે,

દત્ત ભરત રહ્યા છે જેથી દૂર રે. અ.

સખી નિષ્કુળાનંદના સ્વામી વિના રે,

બીજું અન્ય ભજે તે જાણો ભુર રે . અ. ૪ 

મૂળ પદ

જેના પુન્ય હશે તે એ વર પામશે રે

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી