ઓરા આવો છેલછબિલા એ ઢાળ.
કરજો સતસંગીની સાયે, સતસંગીની સાયેરે,
વાલા ધરમ સંકટની માંયેરે, કરજો સતસંગીની સાયે. ટેક.
વિદ્યાર્થીને વિપ્ર વરણીયે, ભલી બાંધી છે ભેઠ,
સતસંગીની શ્રદ્ધા સ્વામી, નૈ રેવા દીયે નેઠરે વાલા. ૧
સાંખ્યજોગીને શસ્ત્ર ધારી સન્યાસીને સંત,
લાવો લાવો લાવો કરે, ફરે લેવા અંતરે. વા. ર
અસન વસન વાસન વળી જેજે જોયે સમાજ,
અવશ્ય એતો આપવું પડશે, ન આપે તો ન રહે લાજરે. વા. ૩
ઘરનું હોયે તો ઘોળું પરું, કાઢી અપાયે કેમ,
સુખ જુનાનું જોઇને નવા, ધારતાં નથી નિમરે. વા. ૪
નિત્યે ઉઠીને નવલા આવે, ગાવે માતમ મુખ,
કોટિ ઉપાયે કેડ ન મૂકે, એ વાતનું દુઃખરે. વા. પ
એતો સૌ સરખું ક્યું, વળી કેવાનું એક,
રસ્તાના રેનારની, કેદી ટકશે નહિ ટેકરે. વા. ૬
જેમ છે તેમ જણાવતો નથી, અંતર જામી અલબેલ,
વાલમ વેલા વારે ચડજો, વળી મ કરજો વેલરે. વા. ૭
આવું સાંભળીને સમજુ હોય તે, કરજો હૈયામાંયે તોલ,
કર વજાડીને એતો કહે, નિષ્કુળાનંદ બોલરે. વા. ૮