એક વાત વળી સાંભરી છે સારીરે, ૬/૧૨

એક વાત વળી સાંભરી છે સારીરે, કહું વિવિધ પ્રકારે જો વિચારીરે ૧
એક બાવરો બેસાર્યો વળી વાણેરે, માન્યું મુરખ પડ્યો હું બંધિખાનેરે ર
ચડ્યોફેર ને દીઠું છે સર્વે ફરતુંરે, માન્યું મનમાં એ પામ્યો હવે મૃત્યુંરે.  ૩
થયો આકળો અભાગી લાગી લેરીરે, ખરા ખારવા વિશેષે જાણ્યા વેરીરે ૪
ચડી ડોલ ને દીઠું છે દુઃખદાઇરે, મારી ઠેક છેક પડ્યો પાણીમાંહીરે.  પ
એમાં દોષ કહો કેને હવે દઇયેરે, મળ્યો સતસંગ તરી તજી જઇયેરે.  ૬
તજી સુખ પડ્યો દુઃખ દધિમાંઇરે, એમ કાર્યમાં ન જાયે કચવાઇરે.  ૭
સર્વે સુખ દુઃખ વાણનું જો સહિયેરે, કહે નિષ્કુળાનંદ પાર્ય થૈયેરે.  ૮

મૂળ પદ

વાય વાય જો કુમતિ મતિ તારી રે,

રચયિતા

નિષ્‍કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી