એક મુરખને હાથ મણી મળીરે, ૭/૧૨

એક મુરખને હાથ મણી મળીરે, જોઇ ચાખી સુંઘી ન લાગી ગળીરે.  ૧
હતો વેવલો ને કેવાતો વિવેકીરે, જોઇ તોડી ફોડી નાખી નરે ફેંકીરે.  ર
તેમ સતસંગ મળ્યે શિરોમણીરે, હતી બાલ બુદ્ધિ કુબુદ્ધિ તે ઘણીરે.  ૩
તેણે સતસંગ રંગ અંગે ત્યાગ્યોરે, કાળા કાંબળાને કસુંબો ન લાગ્યોરે.  ૪
રહ્યો પથર કોરો જો પાણી માંયેરે, જેમ જળ મળ્યે જવાસો સુકાયરે.  પ
મળી મર્કટને રાજ સાજ રીધીરે, દેખી ટોપરું ને તરત ઠેક દીધીરે.  ૬
મળી અલપમતીને વાત મોટીરે, કરે અનુમાન જ્ઞાન કહે ખોટીરે.  ૭
મળી અનોપમ મોજ તે જ ત્યાગીરે, કહે નિષ્કુળાનંદ એ અભાગીરે.  ૮

મૂળ પદ

વાય વાય જો કુમતિ મતિ તારી રે,

રચયિતા

નિષ્‍કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી