ગઉ ચારી ગોવિંદજીરે વનમાંથીઅ પાછા વળ્યા, ૬/૩૨

ગઉ ચારી ગોવિંદજીરે વનમાંથીઅ પાછા વળ્યા, અળગાથી ઓળખ્યારે કે અંગ એધાંણે કળ્યા. ૧
નાથે મોર મુગટરે કે કુંડલ પેર્યા કોને, ગળે ગુંજાની માળારે ભુધર ભાળ્યા ભીને વાને. ર
મોગરાની માળારે બીજાં બહુ ફૂલ તણી, તુલસીને ટોડરેરે કે ઓપેછે અતિ ઘણી. ૩
અંગ રંગ્યું છે રુડુંરે લીલે પીળે રાતે રંગે, ઘણા ફૂલના ગુંથીરે આભુક્ષણ કીધાં અંગે. ૪
બાજુ બંધ બેરખારે કર્યા બેઉ ફૂલ તણા, તોરા ગજરાને ટોપીરે હીંચે હૈયે હાર ઘણા. પ
કેવડીયાની ફડસુંરે પાગડીને પેચે ઘણી, આવો સખી દેખાડુંરે મુરત્ય માવ તણી. ૬
અલબેલો ઓ આવેરે કે ઓળખી લીયો અંગે, રાતો માતો રુપાળોરે શોભે છે સખાને સંગે. ૭
લટકાળાના લટકારે રુદિયામાં રમી રયાં, સ્વામી નિષ્કુળાનંદનોરે સખી મુને ગમી ગયા. ૮ 

મૂળ પદ

ગિરધરીયા હું ઘોળીરે કે મોહન તમ માથે,

રચયિતા

નિષ્‍કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી