એમ કહી અલબેલોરે વાલોજી વિદાયે થયા, ૧૩/૩૨

 

એમ કહી અલબેલોરે વાલોજી વિદાયે થયા, 
વ્રજવાસી વિલખતાંરે મોહનજી મેલી ગયા. ૧
જુવતી રઇ જોઇરે વિકાસી વદને વળી, 
અતિ આતુર અંગેરે માનુની જો સર્વે મળી. ર
દુર સુધી દેખાણોરે રથ જો રસિયા તણો, 
પછે ગરદ ગટાનીરે ઓટમાં જો આવ્યો ઘણો. ૩
ગ્રદ જોઇને ગોપીરે મટકુ ન ભરે મિટે, 
છેહ તેહ ન દીઠીરે જારે રથ ગયો છેટે. ૪
પછે પગલાંરે પેખીરે રોઇ રજ સિર ધરે, 
હવે ક્યારે મલશેરે વ્રેહે અતિ વિલખાં કરે. પ
પડી પ્રાણ રહીતરે ઉભું ન થવાયે અંગે, 
મૃતકવત માનોરે હંસ ગયો હરિ સંગે. ૬
વળતી વચન વિચારીરે સાવચેત સર્વે થઇ, 
કોલ કેવો કીધોરે પ્રિછ કાંયે પડી નહી. ૭
આપણે થૈ આતુરરે સમજાણું નહીં સખી, 
નાથ નિષ્કુળાનંદનોરે છેક નોયે છળ પખી. ૮

મૂળ પદ

ગિરધરીયા હું ઘોળીરે કે મોહન તમ માથે,

રચયિતા

નિષ્‍કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી