ઓદ્ધવ ભલે આવ્યારે સારો સંદેશો લહી, ૧૮/૩૨

 

ઓદ્ધવ ભલે આવ્યારે સારો સંદેશો લહી, 
સારી સમજણ્ય સમજારે મોહન મથુરાં જહી. ૧
શું કાવ્યું શામળીયારે કે ઓદ્ધવજી અમને, 
સઇ શાંતિ કરવારે કે મોકલીયા તમને. ર
વાત કરો વાલનીરે સાંભળવાને સર્વે મળી, 
કયારે કૃષ્ણજી કેતારે વ્રજમાં જાવું છે વળી. ૩
ઓદ્ધવજી અમનેરે કાંને શું મોકલ્યું કઇ, 
સાચો કેતા સંદેશોરે વિરા તેની શરમ સઇ. ૪
મુખે નહીં બોલાતુંરે વિમાસી રયા છો તમે, 
વણ કયે વાતનોરે આસે જો જાણ્યો છે અમે. પ
સંદેશાની સર્વેરે ઓધા અમને પ્રિછ પડી, 
આધે બાધું જણાણુંરે નથી અમે નાનેકડી. ૬
અણબોલા ઓદ્ધવજીરે રેજો વિરા રાતલડી, 
અમે જુવતી શું જાણુંરે કે જોગની વાતલડી. ૭
જોગી કર્યા છે અમનેરે અક્રૂરે આવીને, 
ઘર ભાંગી ગયો છેરે કે રથે બેસાવીને. ૮
હવે નથી ખમાતુંરે દાઝયા પર દાઝ અમે, 
સ્વામી નિષ્કુળાનંદનેરે ક્યું તેમ કો છો તમે. ૯

મૂળ પદ

ગિરધરીયા હું ઘોળીરે કે મોહન તમ માથે,

રચયિતા

નિષ્‍કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી