ઓદ્ધવજી અમારીરે જીવનને કેજો જઇ, ૧૯/૩૨

 ઓદ્ધવજી અમારીરે જીવનને કેજો જઇ, 
અમે અંગે અબળારે જોગ લહી જાણું નહી. ૧
જોગી અમને જાણજોરે ભોગી તમે કુબજયા કરી, 
એવું સાંભળી શ્રવણેરે ધીરજય નથી જાતી ધરી. ર
તમે ચાલ્યા તેદિનારે કેસ નથી ગુંથ્યા કેણે, 
જાણું જટા વધારીરે લટા લટકે છે તેણે. ૩
પાણી ભરતાં પોરભરરે આરે અમે ઉંભા રહું, 
તપ તે છે અમારુંરે શીત વૃષા શિર સહું. ૪
રોતાં રોદન કરતાંરે શ્વાસ મારો ત્યાંયે સમે, 
એમ પ્રાણ રોધનરે આઠું પોર કરું અમે. પ
હસી હેત સમેતેરે હિસતુ બોલતાં હયું, 
હવે કોયેસું ન બોલુંરે એસો અમે મુન્ય ગ્રહ્યું. ૬
સેજ તજી સાથરેરે સેન અમે સર્વે કરું, 
મોર મુગટ માળારે એવું અમે ધ્યાન ધરું. ૭
ઇછે જોગ અમારોરે જાણોતો જાણજો તમે, 
સ્વામી નિષ્કુળાનંદનારે બીજું નવ્ય જાણું અમે. ૮

મૂળ પદ

ગિરધરીયા હું ઘોળીરે કે મોહન તમ માથે,

રચયિતા

નિષ્‍કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી