કપટ સંદેશોરે કાનવર શીદ કાવ્યો, ૨૦/૩૨

કપટ સંદેશોરે કાનવર શીદ કાવ્યો, 
મેલી કપટ મનનોરે વાલા વેલા વૃજ આવો.  ૧
જેમ કેશો તેમ કરશુંરે સખી અમે સર્વે મળી, 
આંટી ટાળી અંતરનીરે વાલા હવે આવો વળી.  ર
મૈ માખણ ખાજોરે પીજો પય પેટ ભરી, 
જૈ જસોદા આગળરે હવે નહીં કઇ હરિ.  ૩
એતો ભુલ્ય અમારીરે તમારી જે રાવ કરી, 
આજની શિખી અમેરે હવે નહિ બોલું ફરી.  ૪
રોષ તજી રુદાનોરે શામળાજી સાર્‌ય કરો, 
વ્રેહ દાઝ દલનીરે હરિવર આવી હરો.  પ
તમ વિન્યા અમનેરે અંતર અંગેઠી જળે, 
તેણે દીસું દીવાનીરેકારણ કોયે નવ્ય કળે.  ૬
તેની નથી તમારેરે વેદના અમારી વળી, 
અમ થકી અનોપમરે કે કુબજ્યા કેવી મળી.  ૭
સારું સુખ શામળીયારે મળ્યું જો મથુરાંમાંયે, 
સ્વામી નિષ્કુળાનંદનારે હવે શિદ આવો આંયે.  ૮

મૂળ પદ

ગિરધરીયા હું ઘોળીરે કે મોહન તમ માથે,

રચયિતા

નિષ્‍કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી