એક વાત વાલાનીરે કે સાંભળ સાહેલી, ૨૫/૩૨

 

એક વાત વાલાનીરે કે સાંભળ સાહેલી, આજ લાજ સર્વે રે કે કઉં મનની મેલી. ૧
હું તો જળ જમુનાનારે કે ભરવા ગઇ ભાવે, મારગડે મુનેરે કે જાતી જાણી માવે. ર
આવી આડો એ ફરીયોરે કે ઓડો બાંધીને, સંઝયા સમે સજનીરે આવો સમો સાંધીને. ૩
અલબેલાને આડોરે કે આવંતા જાણ્યો જ્યારે, લઇ લોકની લાજેરે ઘુંઘટપટ તાણ્યો ત્યારે ૪
આવી આગળ ઉભોરે રયો મુને રોકીને, અળગો નવ્ય થાયે રે કે મારગ મુકીને. પ
ઘણું હેત દેખાડેરે કે લોભાડે નંદલાલો, સ્વામી નિષ્કુળાનંદનોરે કે રસીયો છે વાલો. ૬

મૂળ પદ

ગિરધરીયા હું ઘોળીરે કે મોહન તમ માથે,

રચયિતા

નિષ્‍કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી