ગોકુળીયું ગિરધર રે ઘેલું તમે કીધું છે, ૨૯/૩૨

ગોકુળીયું ગિરધર રે ઘેલું તમે કીધું છે, વાટે ઘાટે વનમાંરે કે લૂટીને લીધું છે.  ૧

બીજું કાંયે ન શિખ્યારે કે શિખ્યા છળ ચોરી, એમાં થાશે ફજેતીરે કે માનજો વાત મોરી.  ર
તારા મનની મેં જાણીરે જે વરી થાઉં વરરાજો, એ વાતની વાલમ રે ખાંડ રૂડી લૈ ખાજો.  ૩
એવી હોસ્ય હૈયામાંરે કે નટવર નવ્ય ધરીયે, જોઇ અંગ પોતાનુંરે પછે ઉમંગ કરીયે.  ૪

તમે કળા કપટીરે કે હું છઉં ગોરી ઘણું, શું જોઇને સગપણરે થાયે મુજ તુજ તણું.  પ
શિદ સાન કરો છોરે કે નયણાનો ચાળો, સ્વામી નિષ્કુળાનંદનારે ભોળું એવું નહીં ભાળો.  ૬

મૂળ પદ

ગિરધરીયા હું ઘોળીરે કે મોહન તમ માથે,

રચયિતા

નિષ્‍કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી