જીવન જોવારે હોંસ થઇ મુને હૈડે૨/૮

જીવન જોવારે હોંસ થઇ મુને હૈડે,

મોહન મળવા રે માટ ભર્યા મેં મૈડે. ૧

ચટકે ચાલી રે વૃંદાવનની વાટે.

હૈડું હીંસે રે મોહન મળવા માટે. ર

આડી આંખે રે જાઉં વનમાં જોતી,

અંતર ઇછે રે ગિરધર લઉં ગોતી. ૩

એમ આઘેરી રે વિચરી હું વનમાં,

થાયે મનોરથ રે મોટો મારા મનમાં. ૪

એમ કરતાં રે આવ્યો એ એકિલો,

રંગનો ભીનોરે રૂડો રાજ રસિલો. પ

મૈડા માગે રે રોકી મુને રાજે,

પાલવ સાયો રે કાંયેક બીજે કાજે. ૬

કો કેમ કરું રે અબળા હું અકીલી,

અળગા રોને રે મોહન મારગ મેલી. ૭

અમે છૈયે રે ગોકુલીયાની ગોપી,

નિષ્કુળાનંદના રે નાથ લજા કેમ લોપી. ૮ 

મૂળ પદ

સાંભળ સજનીરે લાલ તણી કહું લીલા

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી