આવો ઓરા અમ પાસળેરે, આનંદી અલબેલ, ૪/૮

આવો ઓરા અમ પાસળેરે, આનંદી અલબેલ,

મળી આપણે બે માવજીરે, ખાંત્યે કરીયે ખેલ.        ૧

અંગો અંગે આવો ભેટીયેરે, ભાવે ભુધર રાયે,

દાઝું ભાંગે મારા દલનીરે, મનડું ટાઢું થાયે.           ર

ગોપ્ય વાત કહુંગુહ્યનિરે, આવોને એકાંત્ય,

કોરે તેડી કહું કાનમાંરે, ભાંગવા મારી ભ્રાત્ય.          ૩

દલની વાતું કઇ દાખીયેરે, અંતરની જે આસ,

મેર્ય કરી હરિ મુજનેરે, પ્રીતમ રયે પાસ.                ૪

તમ વિન્યા પીયુ પાતળારે, પલ જે પળાયે,

લેખા વિન્યા ઘડી લેખવીરે, કામ ન આવે કાંયે.      પ

તમ સંગે સુખ ઉપજેરે, સરે સર્વે કામ,

વાલા નિષ્કુળાનંદનારે, ઠરવાનું છો ઠામ.              ૬

 

 

મૂળ પદ

મીઠા બોલ્‍યા હો માવજીરે, મીઠડાં તારાં વેણ,

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી