કામણગારા છો કાનજીરે, કામણગારાં નેણ, ૫/૮

 કામણગારા છો કાનજીરે, કામણગારાં નેણ,

કામણગારી કરી વાતડીરે, મન કર્યુંછે મેણ. ૧

ભાલ ભ્રકુટીને નાસિકારે, કામણના છે કોટ,

વાંકી નજરે વિલોકતાંરે, લઇ કરી લોટ પોટ. ર

કામણગારા છે કરનારે લટકાં તારાં લાલ,

પેખે હરે છે જો પ્રાણનેરે, ચિત ચોરે છે ચાલ. ૩

નખ શિખા નિહાળતાંરે, કામણીયા છે ક્રોડ,

ત્રિકમ તમારી ત્રિલોકમાંરે, જોતાં ન મળે જોડ. ૪

અંગોઅંગે અમે ઓળખ્યારે, કામણગારા કાન,

મન હરવાને જનનાંરે, તનમાં છે કાંઇ તાન. પ

જેજે ચડ્યા તારી ચોટમાંરે, આવીને અવિનાશ,

નાથ નિષ્કુળાનંદનારે, તેણે તજી બીજી આશ. ૬

મૂળ પદ

મીઠા બોલ્‍યા હો માવજીરે, મીઠડાં તારાં વેણ,

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી