સખી આસુવે આનંદ કંદ, મળ્યા મોરારીરે, ૧૨/૧૩

સખી આસુવે આનંદ કંદ, મળ્યા મોરારીરે,

સખી આપવા અમને આનંદ, શામ સુખકારીરે. ૧

સખી હસીને મોહન મુખ, ભુધર ભેટ્યારે,

મારા અનેક દિવસનાં જો દુઃખ, મળતામાં મેટ્યારે. ર

સખી દાઝતું ટળીયું દેહ, શિતલ કીધારે,

સખી અમરત્યે વરસાવી મેહ, અમર કરી લીધારે. ૩

સખી શ્યામે કર્યા સનાથ, અનાથ મ કેજોરે,

હવે નિષ્કુળાનંદના નાથ, રુદિયામાં રેજોરે. ૪

મૂળ પદ

સખી કારતક માસે કંત, શામ સધાવ્યારે.

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી