આજનો સમો ઘણો સુધરી ગયોરે, મળીયા મુજને મોહન રાય ૩/૪

આજનો સમો ઘણો સુધરી ગયોરે,

મળીયા મુજને મોહન રાય.           આ.

આવી તક અનોપમ અતિ ઘણીરે,

વળી કસર ન રહી કાંઇ.                     આ. ૧

પુરુષોત્તમ પોતે પ્રભુ પ્રગટ્યારે,

અવનિ પર અલબેલો આપ.         આ.

તેસમે તન મનુષનું મુને મળ્યુંરે,

થયો તેમાં મહા પ્રભુનો મેળાપ.   આ. ર

અવસર આ સરખો આવ્યો નથીરે,

નિશ્ચે મેં તો જાણ્યું છે નિરધાર.     આ.

પલ વળી પાકી છે પૂરણ અતિરે,

મળ્યા જેમાં અક્ષરધામ આધાર. આ. ૩

ખોટ મોટી મટી ખોયા દનનીરે,

જીતના વાગ્યા જાગી ઢોલ.           આ.

નિષ્કુળાનંદ કહે નાથ મલેરે.

ભાગ્યમાં આવી ગયો બ્રહ્મમોલ.   આ. ૪

 

 

મૂળ પદ

અવસરે અલબેલોજી આવશેરે,

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી