આ દેહ મનુષનો મળ્યો, અમુલખ પ્રાણી; ૧/૧

 (રાગ:લાવણી-પ્રભુ પ્રગટ થયા ધરી પ્રેમ એ રાગ)

આ દેહ મનુષનો મળ્યો, અમુલખ પ્રાણી;

                રળ્યા કર્યો દિવસ ને રાત કીમત નવ જાણી          ૧

નહીં નાવું ધોવું, દાતણ કદી નવ કરવું ;

                ભટકી જ્યાં ત્યાં સુઇ ઉઠીને ઉદર ભરવું                  ૨

સહજાનંદ શ્રીજગવંદ, ભજ્યા નહીં ભાવે;

                જમલોક જાતા જીવ પડીશ પસ્તાવે                       ૩

કદી કૃષ્ણ કથા કિરતન, સુણ્યા નહીં કાને;

                નવ સમજ્યો જન્મ દેનાર તણા મહિમાને.              ૪

કોઇ સાધુ સંતની શીખ જરા નવ માની;

                શઠ સંગતમાં રહી થયો અતિ અભિમાની.               ૫

એમ કરતાં આવ્યું, વૃદ્ધપણું વણ વાટે;

                અવયવો થયા શિથિલ પડ્યો જઇ ખાટે                  ૬

બાળાપણ જાણી અબુધ, કેણે નહીં કીધું;

                જુવાનીમાં બહુ જોર જણાવી દીધું                          ૭

બહુ વિષય સુખની આશ, રહી તે અધૂરી;

                પ્રભુ ભજ્યા વિના નરસિંહ કે નવ થઇ પૂરી             ૮

 

મૂળ પદ

આ દેહ મનુષનો મળ્યો, અમુલખ પ્રાણી;

રચયિતા

નરસિંહ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી