અષાડ આવ્યો નાવ્યા હરી, ગાજે ઘન ઘનઘોરજી;૯/૧૩

 અષાડ આવ્યો નાવ્યા હરી, ગાજે ઘન ઘનઘોરજી;

દામની દમકે રે દેખીને, મોહ પામે છે મોરજી.                           અષાડ.૧

અબલા અંધારી રાતમાં, સુણી તમરાનો શોરજી;

ડરપે વાલા વિના દિલમાં, જાય જુગસમ જોરજી.                     અષાડ.૨

આવ્યો ઘન નાવ્યા નાથજી, ઠેરા ઠાઉકે ઠામ જી;

કામ ન સૂઝે રે કોઇને, નામ રટે છે વામજી.                              અષાડ.૩

બુંદ પડે તન ઉપરે, જાણે તપાવ્યું તેલજી;

અવિનાશાનંદ કે આવીયે, છોગાં મેલી ને છેલજી.                     અષાડ.૪

 

મૂળ પદ

કારતક મહીને રે ક્યાં ગયા, મેલી ધર્મકુમારજી;

રચયિતા

અવિનાશાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી